الشيخ عباس الريس

شبه النبي زلزل نواحي الغاضرية    والزلم فرت ترتعد خوف المنية

صوّل وقلبه بالظما يلتهب نيران    لكن ابسيفه اوساعده شتّت العدوان

شرّد الخيل ابصولته وتيّه الفرسان    ما تشوف غير الجثث تهوي عالوطية

بالرمح كم اقلوب ينهبها من لصدور    وكم نفس من لحظة اعيونه اتروح واتغور

اجرى برض لطفوف من دم العدا أبحور    وضيّق أراضي كربلا بوجوه امية

ماشفت مثلك يبن حيدر يوم لطراد    وانته وحيد وقلبك من العطش وقّاد

ماتفرس أمن القوم غير قلوب واكباد    لكن شجاعتكم شجاعة حيدرية

كلما حمل خرّت اصفوف وفرّت اصفوف    وطارت ارواح من لجساد ابشدة الخوف

وصفين وايام الجمل عادت بلطفوف    كم فارس امجرب بقى فوق الوطية

ومن صولته اجموع العدا فرت تنادي    هذا الذي ابوقعة بدر زلزل الوادي

هذا علي المرتضى ناصر الهادي    وليلى ابخيمتها تون ونة خفية

تنادي ينور العين هذي من سجاياك    تفداك روحي ياعديل الروح تفداك

الله يساعدني يعقلي بعد فرقاك    لكن ابميدان الشرف نفسي سخية

جاهد يعقلي عن ابوك اوهالنساوين    وانته تروح اوكل عزيز ويسلم الدين

ماأتشوف ابوك حسين حاير ماله امعين    ولنصار يبني ما بقت منهم بقية