الشيخ عباس الريس

قصيدة رثائية من الأدب الشعبي الحسيني الدارج، تتناول فاجعة مصرع أبي الفضل العباس -عليه السلام- بجوار نهر العلقمي، مبنية على لازمة ندبية متكررة (بالنهر ممدود). يصور النص بأسلوب تفجعي مفعم بالأسى مشهد الإمام الحسين وهو يقف على جسد أخيه المثخن بالجراح، مستعرضاً حواراً وداعياً يبرز عظم التضحية ومشاعر الفقد والانكسار واليتم المرتقب لنساء أهل البيت، لتكون القصيدة بمثابة مرثية تثير الشجون وتستدر المدامع في مجالس العزاء.

رثاء العباس

طبيت ياحيد النهر

​بالنهر ممدودْ - بالنهر ممدودْ

متوسد اذراعه ويمّه العلم والجودْ - بالنهر ممدودْ

​يحسين طاح احزام ظهرك لحق اعليّه - ياشبل حيدرْ

يم الشريعة اجنود اميّة حايطه بيّه - ذاك الغضنفرْ

نايم على الشاطئ يبو سكنه دوعيّة - خدّه معفّرْ

غابت انواره - وسط المعارة

جسمه موزع بالطعن مقطوع لزنودْ - بالنهر ممدودْ

​حصنك العالي وطود عزكم فوق لرمالْ - بحالة شنيعة

بالعجل جيبوا له يبوالسجاد شيّالْ - ياهي فجيعة

وينك عن اعضيدك يناديك العلم مالْ - وين الوديعة

ما تجي اتشوفه - وتنظر اكفوفه

واتجر عليه وناتها وتخمش بالخدودْ - بالنهر ممدودْ

​وصل ابو سكنه ولقى العباس مطروحْ - يجذب الحسرة

تنزف ادمومه من ازنوده ممتلي جروحْ - يفحص ابغبرا

قله الوديعة والحراير في بكا ونوحْ - والعين عبرا

عقبك يسردالْ - حملي ترى مالْ

واستوحدوني ابطيحتك هلقوم ياطودْ - بالنهر ممدودْ

​فتّح اعيونك يا شهم عميت اعيوني - وانكسر ظهري

ياهو اليرد الخيل ياعالي احصوني - لو خان دهري

وياهو الذي يوقف عقب عباس دوني - ياسيف نصري

عاين احوالي - واسمع سؤالي

وين العلم والجود يمشكر ولزنودْ - بالنهر ممدودْ

​فتّح اعيونه بوجه أخوه حسين عبّاسْ - والقلب ذايبْ

وسالت ادمومه اعلى الوجه من طبرة الراسْ - ياهي مصايبْ

ولنه اخوه حسين يمه ايصعد انفاسْ - والراس شايبْ

ايقلّه يمبرورْ - هالفعل مشكورْ

ماحد ترى مثلك بذل غاية المجهودْ - بالنهر ممدودْ

​طبّيت ياحيد النهر واطلعت عطشانْ - قلبك تطوّى

ماحد وفا مثلك يخويه بين لخوانْ - هاي الاخوّة

عندك الماي وقلبك امن العطش لهفانْ - هاي المروّة

فعلك عجايبْ - يبن الاطايبْ

فعلك يخويه دون لخوه يطلب الزودْ - بالنهر ممدودْ

​قلّه يخويه شيل سهم النشب بالعينْ - هالسهم ميشومْ

اوليّه تعذّر من الحورا والنساوينْ - وامسح هلدمومْ

وقلها ترى خيِّچ يزينب ماله ايدينْ - يومي ترى اليومْ

وقلها الاخو راحْ - يم النهر طاحْ

كفينه انقطعن وراسه انفضخ بعمودْ - بالنهر ممدودْ

​غابت انفاسه وقام اخوه حسين سجّاه - وبالترب مدّه

واصفر لونه والسبط بالنهر خلّاه - اوسّد الخده

بالنهر مات اوقام أخوه ايصيح ويلاه - بانت الوحدة

آه يالوديعة - ضعتين ضيعة

بعدي وبعدي هالخيم بتصير فرهودْ - بالنهر ممدودْ