صاب السهم عينه
 |
| الشيخ عباس الريس |
نص رثائي من عيون الشعر الشعبي الدارج، يصور فجيعة مقتل أبي الفضل العباس -عليه السلام- بتركيز وجداني على واقعة إصابة عينه بالسهم ونثر مخه بالعمد، ويجسد بلغة حزينة تقطر أسى مآل المواساة بين الأخوين عند ضفاف العلقمي، حيث تتجلى صورة انكسار الظهر وفقد الناصر، وقد بنيت القصيدة على نظام المقاطع التي تختم بلزمة محورية هي (صاب السهم عينه)، لتكون صرخة ندبية في محافل العزاء، تستدرج الدموع وتستنهض كوامن الحزن في النفوس المؤمنة بمصاب أهل البيت.
صاب السهم عينه
صاب السهم عينه - صاب السهم عينه
يم الشريعه - سور الوديعه
قطعوا العدا ايدينه - وصاب السهم عينه
سمع صوته حسين ينخى وشن على العدوان غاره
شاف ابو فاضل مقنطر طايره ايمينه ويساره
بالعمد مفضوخ راسه وبالدما تنزف اكتاره
وابوسطة الحومه - تتسايل ادمومه
ظل يصك الراحْ - راح الاخو راحْ
وانبرن زندينه - وصاب السهم عينه
عباس ضيغم ارجالي وشايل الرايه - ظهري انكسر من طحت يم لمسنّايه
منك تشفّى عدوي وحصّل الغايه - وصارت ترى بلوتي وصاب السهم عينه
فلّيت جمعتنا - ياشايل رايتنا
من يدير الراي - من يجيب الماي
مصاب الجرى علينا - صاب السهم عينه
فتّح اعيونك يخويه اوشوف اخوك حسين يمّكْ
ليش نايم بالشريعه يالاخو غارج ابدمّكْ
آه ياطيحة حملنا ابطيحتك والحمل باسمكْ
وسفه وقع حملي - بعدك يبعد اهلي
هاي الوديعه - ابحاله فظيعه
تنادي يوالينا - صاب السهم عينه
فتّح اعيونه ابو فاضل وشاف حسينْ - يغسل الطبرات من جسمه ابدمع العينْ
وراسه ابحجره وظل يبچي ويجر اونينْ - ينادي يخويه الاخو صاب السهم عينه
هالسهم مأذيني - ناشب ترى ابعيني
هاي الاخوه - وهاي المروّه
تنقطع كفينه - وصاب السهم عينه
قلّه ياكامل العيلة ونجم سعدي وسيف نصري
ردتك الى الحرم كافل شو فجعني بيك دهري
دقعد اتشتت شملنا يالاخو وانكسر ظهري
ظليت انا ابحيره - ولالي سند غيره
ياقمر هاشمْ - بالترب نايمْ
عقبك أصد وينه - وصاب السهم عينه
طاح الحمل يالاخو وانقطعت الآمال - وانهدمت دولتي واتغيرت لحوال
عفت الحرم والوديعه ونمت فوق ارمال - دسمع بواچي الحرم حامي الخيم وينهْ
دقعد ياحاميها - سكّن بواچيها
وادرك يتاماي - مالازم هالماي
واسمع نِدا اسكينه - صاب السهم عينه
وقع حملي بالشريعة والحمل مقدر أشيله
قلي يا عباس زينب ضيمها يا هو يزيله
زحفت العدوان ليّه وبالخيم ضجت العيله
لكن يبو الشيمه - كيف ارجع الخيمه
وانته مطبّرْ - ياشبل حيدرْ
شمتو العدا بينا - وصاب السهم عينه
قلّه دخلني أموت اعلى النهر يحسينْ - أخجل ترى واعدت سكنه ينور العينْ
ليهه اعتذر يالولي قطعوا العدا ليدينْ - وقلها سبب طيحته صاب السهم عينه
وسلم ليه اعليها - مقدر الاقيها
تعتب عليّه - ابشربة اميّه
وقلها يمحزونه - صاب السهم عينه
وسّد العباس بالغبرا ويم النهر مدّه
وصاح وسفه وقع حملي وركب اكفوفه على زنده
وشال سهم النشب بعيونه يشيعه بعد شدّه
وانفجرت ادمومه - وظل يحن بالحومه
وضمّد اجروحه - وفارقت روحه
وصاح اوعلى احنينه - صاب السهم عينه
عباس ضرب العمد هدم الدولتنا - وقطعة ازنودك يخويه فلّ شوكتنا
وسهم البعينك نشب فرّق الجمعتنا - ياطود عز وشهم صاب السهم عينه
قلّه وجذب ونّه - بعد السهم منا
خليتني محتار - بعدك يمغوار
مثلك بطل وينه - صاب السهم عينه