الشيخ عباس الريس

مولد العباس بن علي (عليه السلام)

​ناصر لحسين يحمّاي الحمى ناصر لحسين

من ام لبنين الحرّة فاطمة ناصر لحسين

​قرّت اعيونك ينور العين وامبارك بيومه مثل نور البدر يزهر نطلب من الله يدومه

ويتهنّى بزهر عمره بين اهله وبين قومه شوف العينين وعاين غرّته شوف العينين

وهاي الزندين علامة هيبته ناصر لحسين

​وعمّت الفرحة خواته وارتفع صوت الهلاهل وصارت أعياد وتهاني إبّيتْ حلال المشاكل

قال سمو هالولد عباس والكنية بو فاضل وصب دمع العين وقلبه بالحزن اتوزّع شطرين

وصاح بصوتين ابحسرة وبحنين ناصر لحسين

​هاج حزنه من نظر ذاك الولد يلعب ابمهده وجذب حسرة بأثر حسرة وصفق كفّه وقعد عنده

وقال لمّه شعب قلبي هالولد من شفت زنده هاي الكفين تطير ابكربلا وتبقى الزندين

ريت اتسمعين ضجيج العائلة ناصر لحسين

​وامه اتنادي يبو الحسنين هالنحلة جميلة ياخبر لقشر عليه وضيعني وابقى ذليلة

ينجدل فوق الشريعة ابني وابوسكنة يجي له ياقلب حسين يذوب وينفطر ياقلب حسين

نكبات البين تهدني وينغدر ناصر لحسين

​ذاب ياكرّار قلبي وضامري يسعر بناره بشّرتني ابفقد ابواليمّة وعضيده اشهالبشارة

وقلت زينب والنسا من بعدهم تبقى حيارى يابو الحسنين تركت ابمهجتي تسعر نارين

أبكي لحسين لو أندب بضعتي ناصر لحسين

​قال ليتج تنظرينه ابكربلا غارج ابدمّه وينكسر ظهر ابو اليمّة ابفرقته وينحل عزمه

وينهدم ركنه ابفقده وينحني فوقه يشمّه ويصفج ليدين ويصيح ابحسرته يادهر الشين

راحت لبنين وخويه ابموتته ناصر لحسين

​قالت اسكت لا تفاول فطرت قلبي عليّه وين هذا ايصير قلها ايصير برض الغاضريّة

ينفضخ راسه ابعمود وجثته تبقى رميّة وحوله مطاعين جثثها مطبّرة اتجاذب لونين

مخسوف العين اوصاله مطشّرة ناصر لحسين

​وبالقيامة تشتكي بنت النبي وترفع اكفوفه اتقول ربي اليوم أنا وعدي وعبرتها ذروفة

دنتقم لي ياالاهي وسيّدي من هل الكوفة هاي يوم الدين وانا كنت انتظر اليوم الدين

قلبي شطرين وشعبني هالذكر ناصر لحسين

​ويغضب الباري الغضبها وبالعجل ينزل جوابه اليوم يوم الحكم لازم كل فرد ياخذ حسابه

وعلى الظالم دعوتج يم الحسن صارت مجابة يم الحسنين دطلبي رادتج يم الحسنين

شنهو التشكين انا انصر عترتج ناصر لحسين